Düşündiriş işleri geçirilýär
Şanly ýylymyzyň sentýabrynda üstünlikli geçirilýän ýol hereketiniň howpsuzlygynyň biraýlygy gowy netijeler bilen dowam edýär. Döwlet derejesinde asylly däbe öwrülen il-gün bähbitli çärä hemmeleriň işjeň gatnaşýandygyny ýatlamak ýakymlydyr.
“Ýol hereketiniň howpsuzlygy — ömrümiziň rahatlygy” atly biraýlyk etrabymyzda-da guramaçylykly geçirilýär. Bu möhüm işe bölümçämiziň işgärlerem mynasyp goşantlaryny goşýarlar. Şeýle goşant bolsa, köçe-ýollara gözegçilikden, täsirli guralýan wagyz-nesihat çärelerinden ybarat bolýar.
Bilelikde guralýan öwüt-ündew işlerimizde şäherimiziň ilatyna köçe-ýol hereketiniň howpsuzlygynyň düzgünlerini düşündirýäris. Biraýlygyň geçirilmeginiň maşgalalarymyzyň abadan, ömrümiziň rahat bolmagyndaky ähmiýeti dogrusynda täsirli gürrüň berýäris.
Namaz GAPUROW,
Köýtendag etrap polisiýa bölüminiň polisiýanyň ýol gözegçiligi bölümçesiniň müdiri, polisiýanyň maýory.
