Dünýäniň küşt täji ugrundaky ýaryşda Nepomnýaşiý Karlsenden yza galýar

Russiýaly Ýan Nepomnýaşiý gara mal bilen oýnap, dünýäniň küşt täji ugrundaky ýaryşyň sekizinji partiýasynda norwegiýaly Magnus Karlsenden utuldy. Duşuşyk Dubaýda geçirilýär, diýip habar «ТАСС» berýär.

Sekizinji partiýadan soň Karlsen 5:3 hasabynda öňde barýar. Dokuzynjy partiýa şu gün — 7-nji dekabrda geçiriler. Nepomnýaşiý ak mallar bilen oýnar.

Dubaýdaky duşuşyk wagta klassyky gözegçilik edilýän 14 partiýadan durýar — 40 göçüm üçin 120 minut, soňra 20 göçüm üçin 60 minut we partiýanyň soňuna çenli 61-nji göçümden soň her göçüme 30 sekund goşmak bilen 15 minut berilýär.

Adblock
detector