Dünýäniň iň beýik ýaşaýyş jaýy Braziliýada gurlar
Dünýäniň iň beýik ýaşaýyş jaýy Braziliýanyň Balneario-Kamboriu şäherinde gurlar. Gurluşyk taslamasy ýerli häkimiýetler tarapyndan tassyklandy diýip, “Dezeen” habar berdi.
“Triumph Tower” diýlip atlandyrylan bu binanyň beýikligi 544 metr bolar. Ol Nýu-Ýorkdaky iň beýik ýaşaýyş jaýyndan (Merkezi seýilgäh diňinden) 72 metr beýiklikde gurlar.
Taslama Braziliýanyň dörediji kompaniýasy “FG Empreendimentos” tarapyndan amala aşyrylýar.
Bu beýik bina Barra-Sul sebitinde gurlar. Binanyň 100 gaty bolup, meýdany 150 müň inedördül metrdir.
Balneario-Kamboriu şäheri özüniň beýik we owadan binalary bilen meşhurdyr. Bu ýerde Günorta Amerikadaky iň beýik binalaryň ençemesi ýerleşýär, olaryň käbiri bolsa “FG Empreendimentos” kompaniýasy tarapyndan gurlandyr.
