Dünýäde iň uzyn ýol Ginnesiň rekordlar kitabyna girizildi
Uzynlygy 30 müň kilometre ýetýän Panamerikan şossesi dünýäniň iň uzyn awtoulag ýoly hökmünde Ginnesiň rekordlar kitabyna girizildi.
Alýaskanyň Pradho-Beý şäherçesinden başlaýan bu awtoulag ýoly Günorta Amerikanyň günorta sebitlerinde tamamlanýar. Ol dürli klimatly we ekologik çäkleriň, jeňňellikleriň, daglyk ýerleriň we çölleriň üstünden geçýär.
Panamerikan awtoulag ýoly boýunça syýahatyň dowamynda Kanada, ABŞ, Meksika, Çili, Boliwiýa, Kosta-Rika ýaly döwletleriň 17-siniň üstünden geçmek mümkindir. Emma bu ýoluň käbir bölekleri howanyň diňe gurak şertlerinde geçmäge ýaramlydyr.
Ýoluň 2237 kilometre uzalyp gidýän Alýaskin bölegi, And daglaryndan we Kauka derýasynyň jülgelerinden geçýän bölekleri Amerika yklymynyň ýol-ulag düzüminiň uly bölekleri hasaplanylýar.
