Abadançylygyň we rowaçlygyň belentliklerine tarap ynamly öňe barýan eziz Watanymyz Gahryman Arkadagymyzyň paýhasly başlangyçlary netijesinde mukaddes Garaşsyzlyk ýyllarynda asyrlara barabar ýol geçdi. Her bir raýatyny jemgyýetimiziň iň gymmatly hazynasy hökmünde ykrar edýän demokratik döwletimiz merdana halkymyzyň yhlasly, tutanýerli zähmeti, ähli ugurlarda gazanýan üstünlikleri netijesinde dünýäniň kuwwatly, gülläp ösýän, parahatçylygy goldaýan döwletleriniň birine öwrüldi.
Gahryman Arkadagymyzyň baştutanlygynda 2022-nji ýylyň 11-nji fewralynda geçirilen Türkmenistanyň Milli Geňeşiniň Halk Maslahaty ýurdumyzda milli demokratik gymmatlyklaryň döwrümiziň häzirki zaman ösüşlerine laýyklykda mynasyp dowam etdirilýändigini aýdyň görkezdi. Bu forumda ata Watanymyzy mundan beýläk-de ösdürmegiň esasy ugurlaryny nazarlaýan «Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasy» tassyklanyldy. Maslahatyň barşynda Arkadag Prezidentimiziň çuň manyly taryhy çykyşynda ýurdumyzyň ekologiýa diplomatiýasy dogrusyndaky meselelere-de aýratyn orun berildi.
Halkara ähmiýetli wakalara, döredijilikli zähmet üstünliklere beslenen «Halkyň Arkadagly zamanasy» ýylynyň milli senenamasyna altyn harplar bilen ýazyljak Türkmenistanyň Milli Geňeşiniň Halk Maslahatynyň mejlisinde Gahryman Arkadagymyzyň eden çuň mazmunly taryhy çykyşy halkymyzda uly buýsanç duýgularyny döretdi. Biziň her birimizi ata Watanymyzyň geljekki ösüşlerine mynasyp goşant goşmaga has-da höweslendirdi.
Hormatly Prezidentimiziň baştutanlygynda geçirilen Türkmenistanyň Milli Geňeşiniň Halk Maslahatynyň mejlisi jemgyýetimizi demokratiýanyň, milli jebisligiň we agzybirligiň ýoly bilen mundan beýläk-de täze sepgitlere ýetmäge ruhlandyrdy. Milli ruhy-ahlak ýörelgelerimizi ösdürýän we döwrebap röwüşde baýlaşdyrýan hormatly Prezidentimiziň jany sag, il-ýurt bähbitli, umumadamzat ähmiýetli döwletli tutumlary mundan beýläk-de rowaç bolsun!
Maral Hudaýarowa,
Türkmenabat şäherindäki 21-nji «Aýperi» çagalar bagynyň müdiri.
