Döwletjan Ýagşymyradow Bellator turnirinde ýeňiş gazandy
Türkmenabatda doglan, garyşyk görnüşli stilinde çykyş edýän pälwan Döwletjan Ýagşymyradow ýarym agyr agram derejesinde litwaly Julius Englikasdan üstün çykdy. Göreş «Bellator 292» turniriniň çäklerinde geçirildi. Tutluşyk San-Hose şäheriniň (ABŞ-niň Kaliforniýa ştaty) «Es-Eý-Pi-center» arenasynda boldy.
Döwletjan Ýagşymyradow sport karýerasynyň dowamynda 28 göreşe gatnaşdy. Onuň 20-sinde ýeňdi, şol sanda 16 gezek garşydaşlaryny nokauta iberdi. 7 gezek ýeňildi we bir gezek tutluşyk deň hasap bilen tamamlandy.
