Berkarar döwletiň täze eýýamynyň Galkynyşy döwründe mekdebe çenli çagalar edaralarynda döwrebap işler durmuşa geçirilip, ýaş nesliň watansöýüji, sagdyn ruhly, giň dünýägaraýyşly bolup ýetişmegi ugrunda uly tagallalar edilýär. Bu babatdaky tagallalardan ugur alyp, biziň çagalar bagymyzyň terbiýeçileri körpelere bilim we terbiýe bermegiň hilini ýokarlandyrmakda, olaryň irki ýaşdan başlap, beden, akyl we ruhy-ahlak taýdan sazlaşykly ösüşini we mekdebe taýýarlygyny üpjün etmekde yhlasly zähmet çekýärler.
Biz — terbiýeçiler alyp barýan işimizde interaktiw enjamlardan giňden peýdalanyp, körpeler bilen gyzykly sapaklary geçýäris. Her bir sapagymyzy many-mazmun we estetiki taýdan kämil esbaplar arkaly geçmäge çalyşýarys. Many-mazmun taýdan kämil esbaplar çagalaryň aň-düşünjesini ösdürýär. Işimizde täzeçe usullardan peýdalanmagymyz çagalaryň sapaga höwesini we işjeňligini artdyrýar, dünýägaraýşyny giňeltmäge hyzmat edýär.
Döredijilikli zähmet çekmegimiz, watansöýüji, bilimli nesliň kemala gelmegi ugrunda uly tagalla edýän hormatly Prezidentimize we Gahryman Arkadagymyza çäksiz alkyş aýdýarys.
Sähra JORAÝEWA,
Farap etrabynyň 16-njy çagalar bakja-bagynyň terbiýeçisi.
