Ders bäsleşiginiň döwlet tapgyrynda öňdebaryjy etrap-şäherler we mekdepler kesgitlenildi

Bäsleşigiň döwlet tapgyrynda Lebap welaýatynyň içinde iň köp baýrakly orun Türkmenabat şäheriniň okuwçylaryna degişlidir. Şäheriň mekdep okuwçylary jemi 22 orun eýeläp, şolaryň 3-sini birinji, 7-sini ikinji, 12-sini üçünji orunlar düzdi.
Mekdepleriň arasynda bolsa Türkmenabat şäheriniň iňlis dili, fizika we matematika okuw derslerini çuňlaşdyryp öwredýän ýöriteleşdirilen 41-nji orta mekdebi has ýokary netije görkezdi. Bu mekdebiň okuwçylary jemi 8 baýrakly orun gazanyp, olaryň 1-si birinji, 3-si ikinji, 4-si üçünji orunlara mynasyp boldular. Şeýlelikde, hem şäher, hem-de aýry-aýry bilim ojaklary derejesinde Türkmenabat bäsleşikde Lebap welaýatynyň esasy daýanjyna öwrüldi.