Ders bäsleşigi: türkmen dili we edebiýatdan ýedi ornuň üçüsi lebaply okuwçylarda

Türkmenabat şäheriniň we Dänew etrabynyň orta mekdeplerine wekilçilik edýän okuwçylar «Altyn asyryň altyn zehinleri» atly ders bäsleşiginiň türkmen dili we edebiýat ugry boýunça 12-nji synp okuwçylarynyň arasyndaky ýedi ornuň üçüsini eýelediler. Bu bolsa bäsleşigiň döwlet tapgyryna gündogar sebitden gatnaşan okuwçylaryň ählisiniň baýrakly orunlar bilen dolanandygyny görkezýär.
Has takygy, Türkmenabat şäheriniň ýöriteleşdirilen 39-njy orta mekdebinden synpdaşlar Enejan Narmyradowa bilen Bägül Joraýewa bäsleşikde ikinji, Dänew etrabynyň 14-nji orta mekdebinden Madina Sünnetyllaýewa bolsa üçünji orny eýeledi.
Bäsleşigiň türkmen dili we edebiýat ugruny Daşoguzyň Beki Seýtäkow adyndaky Mugallymçylyk mekdebi kabul etdi.