Ders bäsleşigi: fizikler dört orny eýelediler
Türkmenistanyň Oguz han adyndaky Inžener-tehnologiýalar uniwersitetinde ýurduň 11-nji we 12-nji synp mekdep okuwçylarynyň arasynda «Altyn asyryň altyn zehinleri» atly ders bäsleşiginiň fizika ugry boýunça bäsleşigi geçirildi.
Onda Lebap welaýatynyň orta mekdepleriniň okuwçylary öňdäki orunlaryň dördüsine mynasyp boldular.
Bäsleşikde gündogar sebitden baran okuwçylar welaýatyň medal gaznasyna kümüş medallaryň üçüsini we bir sany bürünç medaly goş,magy başardylar. Kümüş medallary ýöriteleşdirilen orta mekdepleriň 11-nji synp okuwçylarynyň arasynda Çärjew etrabynyň ýöriteleşdirilen 55-nji orta mekdebiniň okuwçysy Maksat Meýlisow, adaty orta mekdepleriň 12-nji synp okuwçylarynyň arasynda Halaç etrabynyň 25-nji orta mekdebiniň Maksat Hudaýberdiýew we ýene şu derejede 12-nji synp okuwçylarynyň arasynda Türkmenabat şäheriniň ýöriteleşdirilen 29-njy orta mekdebiniň Ýusup Ýusupow dagylar eýeledi. Halaç etrabynyň 28-nji orta mekdebinden gatnaşan Aýgül Ilowanyň görkezen netijesi bolsa bürünç medala mynasyp boldy.
