Daşoguza zyýarat otlusy ýola goýlar
“Demirýollary” açyk görnüşli paýdarlar jemgyýeti Daşoguz welaýatyndaky “Nejmeddin Kubra” ýadygärlikler toplumyna zyýarat etmek üçin ýörite zyýaratçylyk otlysyny ýola goýýar.
Otly 11-nji oktýabrdan başlap Aşgabat-Köneürgenç-Aşgabat ugry boýunça hereket eder.
Otly Aşgabadyň stansiýasyndan sagat 18:20-de ugrap, Içoguzda (23:30, 23:50), Daşoguzda (06:05, 06:40) durup, sagat 09:15-de Köneürgenje baryp ýeter.
Yzyna bolsa Köneürgençden paýtagta otly sagat 18:15-de ugrap, Daşoguzda (20:50, 21:26) we Içoguzda (03:31, 03:51) durar. Zyýaratçylyk otlysy paýtagta sagat 08:55-de gelip ýeter.
Otlynyň wagonunda restoran göz öňünde tutulyp, ol ýerde ýolagçylar dürli tagamlary dadyp bilerler.
