Daşoguz şäherindäki demir beton önümleri zawodynda 27 müň kub metrden gowrak önüm öndürildi
Türkmenistanyň Senagat we gurluşyk önümçiligi ministrliginiň Daşoguz şäherindäki demir beton önümleri zawodynyň işgärleri geçen ýyly ýokary zähmet üstünlikleri bilen jemlediler. Bu barada «Daşoguz habarlary» gazeti habar berýär. Kärhananyň işgärleri geçen ýylda dürli görnüşli gurluşyk önümleriniň 27 müň kub metrden gowragyny öndürip, bu baradaky ýyllyk meýilnamany artygy bilen ýerine ýetirdiler. Kärhanada jaýlaryň üstüni basyrmakda ulanylýan plitalar, çarhaw daşlary, fundament bloklary we beýleki önümler yzygiderli öndürilýär we gurluşyk işlerinde giňden peýdalanylýar.
