Darganata etrabyna täze häkim bellenildi

Türkmenistanyň Prezidentiniň Permanyna laýyklykda, Lebap welaýatynyň Darganata etrabynda ýolbaşçylyga degişli işgär çalşygy geçirildi. Döwlet Baştutanymyz Serdar Berdimuhamedow tarapyndan gol çekilen resminama laýyklykda, Azat Jumamuradowiç Amandurdyýew Darganata etrabynyň häkimi wezipesinden boşadyldy.
Şeýle hem Türkmenistanyň Prezidentiniň başga bir Permany bilen, Begenç Saparmamedowiç Mamedbaýew Lebap welaýatynyň Darganata etrabynyň häkimi wezipesine bellenildi. Ol täze wezipä bellenmegi bilen bir wagtda, Lebap welaýatynyň Darganata etrabynyň häkiminiň orunbasary wezipesinden hem boşadyldy.
Bu permanyň ýurdumyzyň sebitleriniň durmuş-ykdysady ösüşini üpjün etmek, ýerli dolandyryş edaralarynyň işini has-da kämilleşdirmek boýunça alnyp barylýan döwlet syýasatynyň möhüm çäreleriniň biri hökmünde çykyş edýändigi nygtalýar.