Dänewli küştçüler Dünýä kubogynda üstünlikli çykyş edýärler
Dänewli küştçi uýalar Lala we Leýla Şöhradowalar şu günler Türkmenistanyň zenanlar ýygyndysynyň düzüminde Budapeştde geçirilýän 45-nji Bütindünýä küşt olimpiadasyna gatnaşýarlar. Ýurduň zenanlar ýygyndysy ýakynda şu gezekki Olimpiadadaky dördünji ýeňşini gazandylar. 6-njy tapgyrda ortaça 1956 görkeziji gazanan türkmen küştçüleri 43-nji belgide saýlanan Braziliýanyň toparyny (ortaça görkezijisi – 2132) 3:1 hasabynda ýeňdi. Toparyň ýeňşine Leýla Şöhradowa (3-nji tagtada) we 4- nji tagtada oýnan Eneş Arazmedowa döwlerinde ýeňiş gazanyp, möhüm goşant goşdular. Wise-çempion Läle Şöhradowa (1-nji tagtada) we ýurduň çempiony Merýem Agajanowa (2-nji tagtada) garşydaşlary bilen deň oýnadylar. Adatça 4-nji tagtada oýnaýan Jahan Rejebowa 6-njy tapgyrda dynç aldy.
Ondan öň türkmenistanly gyzlar Çadyň (168 belgili), Bagam adalarynyň (122 belgili), Gwatemalanyň (106 belgili) küştçi gyzlaryny şol bir – 4:0 hasabynda ýeňdiler. Slowakiýanyň (32 belgili) – 1.5: 2.5 we Çehiýanyň (41- nji belgili ) wekillerinden – 1:3 hasabynda ýeňildiler. Olimpiýa oýunlarynda zenanlar ýaryşynda 183 topar hasaba alyndy, ýöne 169-sy medallar ugrunda göreşe girdi. Esasy umumy hasapdan başga-da, olar toparyň agzalarynyň ortaça görkezijisine baglylykda bäş toparça bölünýärler. Umumy sanawda 73-nji belgili türkmen zenanlar topary «C» toparça düşdi. Türkmen küştçüleri şu wagta çenli öz toparçasynda iň gowy netije görkezýärler, olar 6-njy tapgyrdan soň mümkin bolan 12 utukdan 8 utuk toplap, umumy ýaryşda 36-njy orny eýeleýärler. Şu ýyl Türkmenistanyň ýygyndysynyň 6 ýyllyk arakesmeden soň dünýäniň esasy küşt ýaryşyna gatnaşýandygyny ýatladýarys.
