Dänewli kärendeçiler ussatlyk bilen zähmet çekýärler
Dänew etrabynyň “Watan” daýhan birleşiginiň 5-nji kärendeçiler topary gowaça pellerine göreldeli ideg edýärler.
Toparyň agzalaryna degişli 106 gektar meýdanda bol hasyl ýetişdirildi. Topar agzalarynyň arasynda Gülüstan Begnyýazowa has tapawutlanýar.
Ussat daýhan şu möwsümde eýelik edýän 11 gektar ýeriniň her gektaryndan azyndan 40 sentner hasyl almak ugrunda göreşýär.
Bilelikdäki tagallalary netijesinde toparyň agzalary 368 tonnalyk sepgide tarap ynam bilen barýarlar. Hojalyk boýunça şu ýyl gowaça ekilen 1365 gektar meýdandan gymmatly çig mal bolan pagtanyň 4430 tonnasyny öndürmek meýilleşdirilýär.
Daýhan birleşiginde pagta ýygymy bilen birlikde güýzlük bugdaý ekişi, aralyk ekinlere ideg etmek işleri hem guramaçylykly dowam edýär.
