Dänewde okuwçy oglanlaryň arasynda bäsleşik geçirildi
Dänew etrap Medeniýet öýünde «Merdana nesil—2024» atly döredijilik bäsleşiginiň etrap tapgyry geçirildi. Oňa etrabyň orta mekdeplerinde bilim alýan, döredijilik bilen meşgullanýan, türkmeniň aýdym-saz sungatyny dowam etdirýän okuwçy oglanlarynyň birnäçesi gatnaşdy.
Bäsleşigiň netijeleri boýunça etrabyň 24-nji orta mekdebiniň okuwçysy Perman
Gaýgysyzow birinji, 9-njy orta mekdebiň okuwçysy Şamuhammet Orazow ikinji
orunlary eýelediler. Etrabyň 11-nji orta mekdebiniň okuwçysy Meýlis Töräýew,
16-njy orta mekdebiniň okuwçysy Begmyrat Ýusupow, 18-nji orta mekdebiniň
okuwçysy Begenç Daýanjow dagylar üçünji orna mynasyp boldular.
Bäsleşigiň ýeňijilerine Türkmenistanyň Magtymguly adyndaky Ýaşlar guramasynyň Lebap welaýatynyň Dänew etrap Geňeşi tarapyndan ýadygärlik sowgatlary we hormat hatlary gowşuryldy we olara geljekde-de üstünlikler arzuw edildi.
