Dänewde mekdep okuwçylarynyň arasynda bäsleşik geçirildi

Dänew etrap Medeniýet öýünde Türkmenistanyň Magtymguly adyndaky Ýaşlar guramasynyň Lebap welaýatynyň Dänew etrap Geňeşi, Dänew etrabynyň bilim bölümi bilen bilelikde guramagynda etrabyň umumybilim berýän orta mekdepleriň 10-12-nji synplarynda okaýan okuwçy oglan-gyzlarynyň arasynda «Sözi paýhas bezär, sazy-sungat» atly bäsleşik geçirildi.
Oňa bäsleşigiň mekdep tapgyrynda ýeňiji bolan oglan-gyzlar gatnaşdylar.
Bäsleşigiň dowamynda zehinli ýaşlarymyz Watanymyzyň Garaşsyzlygyny, Bitaraplygyny, rowaçlygyny, asudalygyny, bagtyýar we parahat zamanamyzy wasp edip aýdymlary ýerine ýetirdiler. Bäsleşigiň netijesine görä birinji orna Dänew etrabynyň 18-nji orta mekdebiniň 12-nji synp okuwçysy Bahar Baýramowa, ikinji orna Dänew etrabyň 30-njy orta mekdebiniň 10-njy synp
okuwçysy Wepa Nurýagdyýew, üçünji orna Dänew etrabyň 18-nji orta mekdebiniň 11-nji synp okuwçysy Rozymuradow Atamyrat dagylar mynasyp boldular.