Dänewde aýdym-sazly çäre geçirildi

Halkara Bitaraplyk güni mynasybetli Dänew etrabynyň Garaşsyzlyk şäherçe medeniýet öýünde «Aýdyň maksatlar bilen nurana geljege» atly aýdym-sazly baýramçylyk çäresi geçirildi. Oňa il sylagly ýaşulular, kümüş saçly eneler, Türkmenistanyň Demokratik partiýasynyň welaýat, Dänew etrap komitetleriniň, etrap bilim we medeniýet bölümleriniň işgärleri gatnaşdylar.
Türkmenistanyň Prezidentiniň giň möçberli özgertmelerini, durmuşa ornaşdyrýan uzakmöhletleýin syýasatyny halkyň arasynda giňden wagyz-nesihat etmek maksady bilen geçirilen bu maslahatda ýurduň daşary syýasatynyň üstünliklerine bagyşlanan çykyşlara giň orun berildi. Çykyşlarda şu ýylda ýurduň syýasy-jemgyýetçilik durmuşyny bezän guwandyryjy wakalar, gazanylan üstünlikler dogrusynda hem gürrüň edildi.