Dänew etrabynda zähmeti goramak boýunça çäreler geçirildi

Türkmenistanyň Kärdeşler arkalaşyklarynyň guramalarynyň tehniki gözegçilik gulluklary tarapyndan welaýatda zähmeti goramak we tehniki howpsuzlyk düzgünleriniň berjaý edilişine bagyşlanan meýilnamalaýyn çäreler geçirilýär. Şu günler bu ugurdaky çäreler oba hojalyk möwsümi bilen baglylykda welaýatymyzyň oba hojalyk kärhanalarynda dowam etdirilip, işgärlere usulyýet-tejribe kömegi berilýär.
Dänew etrabynyň edara-kärhanalarynda geçirilen çäreleriň dowamynda oba hojalyk tehnikalaryny abatlamakda we olardan peýdalanmakda tehniki howpsuzlygyň talaplarynyň berjaý edilişi seljerildi. Şeýle-de etrabyň «Obahyzmat» önümçilik kärhanasynda gowaça ekişine taýýarlanan tehnikalaryň ýagdaýy gözden geçirilip, hünärmenler bilen zähmeti goramak, tehniki we ekologiýa howpsuzlygyny üpjün etmek boýunça maslahatlar geçirildi.