Çärjewde geçirilen duşuşyk zyýanly endiklerden daşda durmaga bagyşlandy
Türkmenistanyň Magtymguly adyndaky Ýaşlar guramasynyň Çärjew etrap geňeşiniň etrap
hassahanasy we polisiýa bölüminiň kämillik ýaşyna ýetmedik ýetginjekleriň işi boýunça
bölümçesi bilen bilelikde geçiren maslahaty ýaşlaryň zyýanly endiklerden daşda durmagyna
bagyşlandy. Bu duşuşyk etrapdaky 38-nji orta mekdepde geçirildi.
«Zyýanly endiklerden daşda durmak her birimiziň esasy borjumyzdyr» diýlip atlandyrylan
duşuşykda çykyş edenler ýaşlaryň arasynda terbiýeçilik işlerini güýçlendirmek, olaryň ýüze
çykýan nogsanlyklardan daşda durmaklaryny gazanmak, hukuk sowatlylygyny artdyrmak
ýaly meselelere ünsi çekip, ýaşlaryň hukuklaryny we kanuny bähbitlerini goramaga, hukuk
bozulmalarynyň öňüni almaga gönükdirilen çäreleri durmuşa geçirmek ýaly işleri wagyz
etdiler.
