Çärjewde Garaşsyzlyk baýramyna bagyşlanyp çäre geçirildi
Mukaddes Garaşsyzlygyň 33 ýyllyk baýramy mynasybetli Çärjew etrap häkimligi we etrap medeniýet bölümi bilen bilelikde “Dilnäz-Gülnäz” toý mekanynda “Garaşsyzlyk berdi bu beýik bagty” atly aýdym-sazly baýramçylyk çäresini geçirdi.
Oňa etrabyň il sylagly ýaşululary, mährem eneler, jemgyýetçilik guramalarynyň işgärleri we işjeň agzalary, edara-guramalaryň öňdebaryjy işgärleri gatnaşdylar.
Baýramçylyk çäresi ýokary ruhubelentlige beslendi. Onda medeniýet we sungat ussatlarynyň ajaýyp aýdym-sazly çykyşlaryna, baýramçylyk gutlaglaryna giň orun berildi.
Türmenistanyň bagtyýarlygy, halkyň agzybirligi wasp edilip ýerine ýetirilen joşgunly çykyşlar zähmetkeşleriň watansöýüjilik duýgularyny we zähmet joşgunyny has-da belende galdyrdy.
