Çärjewdäki mekdepde saglyk ugurly hepdelige badalga berildi
Çärjew etrabyndaky 38-nji orta mekdepde saglyk ugurly usuly birleşmäniň ders hepdeligine badalga berildi.
Mekdepde hepdeligiň açylyş dabarasy boldy. Çärä etrap bilim bölüminiň hünärmenleri, usuly birleşmeleriň ýolbaşçylary, öňdebaryjy mugallymlar, okuwçy ýaşlar gatnaşdylar.
Hepdeligiň açylyş dabarasy mekdebiň çeper höwesjeňleriniň ýerine ýetirmeklerinde aýdym-sazly çykyşlara utgaşdy. Zehinli ýaşlar öz çykyşlarynda parahat, asuda durmuşymyzy, tebigat gözelliklerini, milli gymmatlyklarymyzy, bagtyýar çagalygy belentden wasp etdiler. Göreldeli okuwçylar şygyrlarylabyzly aýtdylar.
Hepdeligiň çäginde okuwçylaryň arasynda türkmen milli oýunlary boýunça bäsleşiklere hem giň gerim berildi.
