Çärjew etrap hassahanasynda wagyz-nesihat çäresi geçirildi

Çärjew etrap hassahanasynda ýatgy boýunjygynyň howply täze döremelerine garşy göreşiň biraýlygynyň çäklerinde «Baş aladamyz — zenanlaryň saglygy» atly wagyz-nesihat çäresi geçirildi. Welaýat onkologiýa hassahanasynyň guramagynda geçirilen bu çärä welaýatymyzyň dürli ugurlarynda zähmet çekýän zenanlar gatnaşdy.
Çäräniň dowamynda 30–50 ýaş aralygyndaky aýallaryň arasynda duş gelip bilýän keselleriň öňüni almak, olary irki döwürde ýüze çykarmak we netijeli bejermek meseleleri boýunça çykyşlar edildi. Bu barada welaýat onkologiýa hassahanasynyň lukmanlary hem-de Onkologiýa ylmy-kliniki merkeziniň tejribeli hünärmenleri maglumat berdiler.