Çärjew etrabynda maslahat geçirildi
Çärjew etrabyndaky orta mekdepleriň kitaphana işgärleriniň gatnaşmaklarynda maslahat geçirildi. Maslahatda mugallymlara we okuwçylara hyzmat etmegiň iň döwrebap usullary boýunça tejribeler paýlaşyldy. Maslahat etrap bilim bölümi tarapyndan guraldy. Maslahatda nygtalyşy ýaly, ýurduň orta mekdeplerindäki kitaphanalaryň kitap gory okuw gollanmalary we çeper eserler bilen yzygiderli baýlaşdyrylýar. Olaryň saklanylyşynda we okyjylara ýetirilişinde sanly ulgamyň mümkinçiliklerinden peýdalanmak esasy wezipeleriň biridir.
Etrapaky mekdepleriň aglabasynda sanly kitaphana ulgamynyň eýýäm ornaşdyrylandygyny aýratyn nygtamak gerek. Hünär kämilleşdiriş okuwlarynyň we maslahatlaryň ýygy-ýygydan geçirilmegi bilelikdäki kämilligi üpjün etmekde uly ähmiýete eýedir.
