Bütindünýä inçekesele garşy göreşmek güni mynasybetli çäre geçirildi
Çärjew etrap hassahanasynda her ýylyň 24-nji martynda bellenilýän Bütindünýä inçekesele garşy göreşmek güni mynasybetli çäre geçirildi. Ony Türkmenistanyň Gyzyl Ýarymaý Milli jemgyýetiniň Lebap welaýat bölümi gurady. Bu ähmiýetli çärä Türkmenistanyň Saglygy goraýyş we derman senagaty ministrliginiň wekilleri, hünärmenleri, Lebap welaýatynyň ýokanç keseller hassahanasynyň lukmanlary, oba saglyk öýleriniň lukmanlary we şepagat uýalary gatnaşdylar. Edilen çykyşlarda her bir keseliň öňüni almak, olaryň ýaýramagyna garşy bilelikde göreşmek boýunça täsirli gürrüňler edildi. Ýörite öňüni alyş merkezlerinden wagtly-wagtynda barlamhanalaryndan geçmegiň, sanjymlary almagyň we arassaçylyk düzgünlerini berjaý etmegiň zerurlygy dogrusynda hem durlup geçildi. Saglygy goraýyş ulgamynyň wekilleri sagdyn durmuş ýörelgesine eýermäge çagyrýan bu hili çäreleriň ýerlerde geçirilmeginiň ähmiýeti dogrusynda aýratyn nygtadylar.
Çäräniň dowamynda inçekesele garşy göreşmegi wagyz edýän ýörite oýunlar guralyp, wideoroliklere tomaşa edildi.
