Boýy 2 metrlik akula tutuldy

Kosta-Rikanyň Tortugero milli seýilgähiniň kenarlarynda balyk awlaýan höwesjeň bir adamyň toruna iki metr uzynlykda bolan täsin görnüşli akula düşdi. Aňsat tanalmaýan aýratynlygy onuň adaty görnüşlerden tapawutlanýan altyn-sary reňkde bolmagydyr. Bu täsin hadysa barada Springer Nature Link neşiri giňişleýin maglumat berdi.
Alymlaryň ilkinji çaklamalaryna görä, akulanyň daşky reňkiniň şeýle üýtgemegi ksantizm diýlip atlandyrylýan pigment bozulmalary bilen bagly bolup biler. Bu ýagdaýda deriniň reňk aýratynlyklarynda sary ýa-da narynç tonlaryň agdyklygy ýüze çykýar. Şeýle-de bolsa, akulanyň näme üçin hut altyn reňkli bolandygy baradaky takyk netijä gelinmedi. Şonuň üçin alymlar häzirki wagtda goşmaça gözlegler geçirip, bu täsin jandaryň syrly reňkiniň ylmy sebäplerini açmak ugrunda barlaglaryny dowam etdirýärler.