Boks boýunça birinjilik geçirildi
Boks boýunça Türkmenabat şäherindäki 8-nji sport mekdebiniň açyk birinjiligi geçirildi. Oňa Türkmenabat şäherindäki we Çärjew etrabyndaky sport mekdeplerinde tälim alýan, 2013 ― 2014-nji ýyllarda doglan ýetginjek boksçular gatnaşdylar.
Jemi 120 türgeniň öz ukyplaryny görkezen ýaryşynda biziň ýer eýeleriniň türgenleri toparlaýyn birinji orna mynasyp boldular. Şäherdäki 7-nji sport mekdebinden gelen türgenler bolsa ikinji orny eýelediler. Çärjew etrabynyň Farap şäherinden gelen türgenler ýaryşda hormat münberiniň üçünji basgançagyna çykdylar.
Ýaryş 22 kilograma çenli agram derejesinden başlap, 46 kilogramdan ýokary agram derejesine çenli aralykda geçirildi.
