Kalbymdan syzylyp çykýar bu sözler,
Aýdyma seslenýär daglar hem düzler,
Gözelligiň synlap doýmaz bu gözler,
Watan Bitaraplyk toýun toýlaýar.
Röwşen geljegimiz, aýdyň ýolumyz,
Dost-dogandan doly sagy-solumyz,
Watan birdir, jandan söýýäs ony biz,
Watan Bitaraplyk toýun toýlaýar.
Watan gözelligiň, söýgiň ojagy,
Gülüstanlyk bag-bossanlyk gujagy,
Mekanydyr sazyň, dutar, gyjagyň
Watan Bitaraplyk toýun toýlaýar.
Giňden belläp Baky Bitaraplygy,
Dolýar bu gün doly otuz ýyllygy,
Halkara parahatlyk, ynanyşmak ýyly,
Watan Bitaraplyk toýun toýlaýar.
Selbi IMAMOWA,
Lebap welaýat ýörite sungat mekdebiniň talyby.
