Gahryman Arkadagymyzyň, Gahryman Arkadagly Serdarymyzyň taýsyz
tagallalary bilen, “ Pähim – paýhas ummany Magtymguly Pyragy” ýylynda
merdana türkmen halkymyz Bitaraplyk gününiň şanly 29 ýyllygyna özleriniň uly üstünlikleri bilen barýar. Döwrüň belent ruhyny wasp etmekde, halkymyzy beýik üstünliklere ruhlandyrmakda,medeniýetimiziň, sungatymyzyň ösüşlerini wasp etmekde Türkmenabat şäheriniň 2-nji çagalar sungat mekdebiniň mugallymlaryndan we okuwçylaryndan düzülen birnaçe aýdym-saz toparlary ýurdymyzyň geçirilýän toý baýramlara özleriniň saldamly goşantlaryny goşýarlar.
Ýakynda Bitaraplyk baýramçylygy mynasybetli, çagalar sungat mekdebiniň kirişli saz gurallary bölüminiň baýramçylyk konserti geçirildi. Konsertiň maksatnamasyna laýyklykda, türkmen we daşary ýurt nusgawy kompozitorlarynyň watançylyk, söýgi temasyndaky aýdymlary, türkmen nusgawy sazlary, gözel tebigatymyzy wasp edýän eserleri okuwçylar tarapyndan ýerine ýetirildi. Konsert mekdebiň 2-nji synp okuwçysy Hajimelik Mamedowyň ýerine ýetirmeginde W.A.Mosartyň “Ronda” eseri bilen açyldy. Konsertiň dowamynda mekdebiň okuwçylary ýagny, kirişli saz gurallary bölüminiň okuwçysy Nazarowa Laçynyň ýerine ýetiren A. Wiwaldi “Gyş” sazy, Aýlara Behmatowanyň ýerine ýetirmeginde P.I.Çaýkowskiniň “Wals”, I. Bramsyň №1, №5 “Wenger tansy” sazy, Çynar Nurmyradowanyň N. Lewiniň “Tarantella” ýaly ajaýyp eserler
diňleýjiler tarapyndan gyzgyn el çarpyşmalar bilen garşylandy. Soňra kirişli saz gurallar bölüminiň 5-nji synp okuwçylary A. Agajykowyň “Giriş we tans” şeýle-de şol bölümiň 4-nji synp okuwçylary Çary Nurymowyň “Meleguş” sazlary konsertiň şowhunyny artdyrdyrdy. Mekdebiň kiçi skripkaçylar ansamlbly J. Offenbaçh “Galop” atly sazyny ussatlyk bilen ýerine ýetirdiler.
Konsert uly skripkaçylar ansambl topary ýagny, özüniň dürli sazlary bilen welaýatymyzyň baýramçylyklaryna uly goşandyny goşýan “Batly gadam” skripkaçylar ansamblynyň ýerine ýetirmeginde Röwşen Nepesowyň “Fantaziýa” sazy bilen tamamlandy. Baky Bitaraplygymyzyň şanly toýy mynasybetli geçirilen täsir galdyryjy konsert Türkmenabat şäheriniň 2-nji çagalar sungat mekdebiniň uly
üstünligidir. Bu günki dabarada ýaňlanan sazlar ýaş ýerine ýetirijileriň eziz diýarymyza, Mähriban Arkadagymyza, Arkadagly Serdarymyza çäksiz
söýgüleriniň beýany bolup ýaňlandy.
Aýna HUDAÝBERDIÝEWA,
Türkmenabat şäheriniň 2-nji çagalar sungat mekdebiniň mugallymy
