Birinji ligada lebaply küştçüler öňdebaryjy orunlary eýeledi

Aşgabat şäherindäki ýöriteleşdirilen küşt we şaşka mekdebinde geçirilen küşt boýunça erkekleriň arasynda Birinji liga ýaryşy lebaply türgenleriň üstünlikli çykyşlary bilen tapawutlandy. Ýaryşda ýurdumyzyň ähli welaýatlaryndan 54 küştçi gatnaşyp, 11 tapgyrda şweýsar ulgamy boýunça bäsleşdiler. Bu ýaryş Ýokary liga gatnaşmak üçin möhüm saýlama tapgyry boldy we her bir duşuşyk ýokary dartgynlylykda geçdi.
Açyk kategoriýada geçirilen bäsleşiklerde Lebap küşt mekdebiniň wekilleri tablitsanyň ýokarky orunlaryny eýelediler. Ýaryşda 9 utuk toplap, ýeňiji bolan ýaş lebaply küştçi Gurbanmyrat Rustemow Birinji liganyň esasy sensasiýasyna öwrüldi. Şeýle-de onuň yzysüre ýerleşen Ilhan Çaryýew hem durnukly oýny bilen tapawutlanyp, Lebap küştçileriniň Birinji ligada öňdebaryjy orunlary eýeleýändigini ýene bir gezek subut etdi.