Bilimler talyp ýaşlar gününe bagyşlanan maslahat geçirildi
«Farap» şypahanasynda «Täze eýýamyň bagtyýar ýaşlary» atly maslahat geçirildi. Türkmenistanyň Demokratik partiýasynyň Farap etrap komitetiniň, Magtymguly adyndaky Ýaşlar guramasynyň etrap geňeşi we etrap bilim bölüminiň bilelikde geçiren çäresine bilim işgärleri, syýasy partiýalaryň we jemgyýetçilik guramalarynyň işjeňleri gatnaşdylar.
Ýakynlaşyp gelýän bilimler we talyp ýaşlar gününe bagyşlanan çärede Türkmenistanda ýaşlaryň bilim almaklary üçin döredilýän mümkinçilikler, bilim ulgamynda amala aşyrylýan özgertmeler barada gürrüň edildi. Bilim ulgamynda sanly tehnologiýalaryň ornaşdyrylmagynyň, okatmagyň interaktiw usullaryndan, multimediýa serişdelerinden giňden peýdalanylmagynyň berýän oňyn netijeleri barada aýratyn durup geçdiler.
Bilimler talyp ýaşlar güni birinji sentýabrda bellenilýär.
