Hormatly Prezidentimiziň ýol hereketiniň howpsuzlygyny üpjün etmek bilen bagly aladalary halkymyzyň abadan, asuda durmuşy barada tagallalaryndan gözbaş alýar. Ýol hereketiniň howpsuzlygynyň biraýlygynda çagalar bilen bagly hadysalaryň öňüni almaklyga uly üns berýäris.
Şondan ugur alyp, bölümçämiziň gözegçileri şäherimizdäki mekdeplerde we çagalar baglarynda biraýlyga bagyşlanan öwüt-ündew çärelerini geçirýärler. Olar çagalara köçe-ýol hereketiniň howpsuzlyk kadalary barada düşünje berýärler.
Biz çagalar bilen geçirýän duşuşyklarymyzda olara ýol hereketiniň howpsuzlygynyň biraýlygynyň maksadyny düşündirýäris. Bu çäräniň maşgalamyzyň abadan durmuşyny, ömrümiziň rahatlygyny gazanmakdaky ähmiýeti barada täsirli gürrüň berýäris.
Agamyrat DÖWLETOW,
Kerki etrap polisiýa bölüminiň polisiýanyň ýol gözegçiligi bölümçesiniň wagyz-nesihat boýunça uly gözegçisi.
