Bitarap diýarym, dostluk watany,
Arkadagmyň bagtly düýbün tutany,
Hormatlaýas mährem ene-atany,
Bedew batly at-myradyň mekany.
Gelejege barýan röwşen ýoly sen,
Beýik bagtyýarlygyň binýady sen,
Maksatlaryň, göwünleriň şady sen,
Bedew batly at-myradyň mekany.
Agzybirlik, dost-doganlyk pugtady,
Pyragymyz ömür boýy nygtady,
Ynsanperwer ýörelgeler kadadyr,
Bedew batly at-myradyň mekany.
Parahatlyk, jebislik şygarymyz,
Hüwdi sesi ýaňlanýan gülzarymyz,
Watanymyz arkamyzda dagymyz,
Bedew batly at-myradyň mekany.
Selbi IMAMOWA,
Lebap welaýat ýörite sungat mekdebiniň
“Aýdym aýtmak sungaty” bölüminiň IV-nji ýyl talyby
“Türkmenistanyň Prezidentiniň” talyp hakynyň eýesi.
