Halkara Bitaraplyk gününiň we Täze ýylyň baýramynyň öňüsyrasynda welaýatymyzyň bazarlarynda, dükanlarynda, söwda merkezlerinde azyklyk önümleriň dürli görnüşleri ilata hödürlenilýär.
Göçme söwdanyň guralan ýerlerinde et, çörek, süýt önümlerinden başga-da türkmen topragynda ýetişdirilýän gök-bakja önümleriniň hem-de miweleriň dürli görnüşleriniň bolmagy alyjylaryň göwünlerine ýaraýar.
Halkara Bitaraplyk güni we Täze ýyl baýramçylygy mynasybetli şu ýylyň 5-nji dekabryndan welaýatyň çäginde 163 ýerde ilata söwda hyzmatlary ýokary derejede guralýar.
Şu günlerde Türkmenabatdaky «Kämil», «Lebap», «Elýeter» ýaly söwda we dynç alyş merkezlerinde baýramçylyk söwdasy has-da şüweleňli barýar. Merkezleriň işgärleri alyjylary hoşamaý garşylaýarlar, olaryň göwünlerini awlaýarlar.
