Baýden türkmen döwletiniň Baştutany Garaşsyzlyk güni bilen gutlady
Amerikanyň Birleşen Ştatlarynyň Prezidenti Jozef Baýden Türkmenistanyň Prezidentiniň adynda Garaşsyzlyk güni mynasybetli gutlag hatyny ýollady.
Hatda nygtalyşy ýaly, Türkmenistan bilen ABŞ hyzmatdaşlyk ruhunda öz halklary, dünýädäki ähli adamlar üçin has gowy geljegi gurýarlar. Ýurtlarymyz howanyň üýtgemeginiň esasy sebäbi bolan metanyň zyňyndylaryny azaltmak ugrunda bilelikde işleýärler. Şeýle hem biz durnukly oba hojalygyny ýöretmegiň tejribesini ilerletmek boýunça hyzmatdaşlyk edýäris.
«Men Siziň bilen hem-de Merkezi Aziýanyň beýleki ýurtlarynyň döwlet Baştutanlary bilen geçen ýyl “С5+1” görnüşinde geçen birinji sammitde duşuşandygyma şatdyryn. Geljek ýyllarda umumy maksatlarymyzy ilerletmekde has gowy netijeleri gazanjakdygymyza tüýs ýürekden umyt edýärin. Size we ähli türkmen halkyna milli baýram bolan Garaşsyzlyk gününi uly şatlyk bilen baýram etmegiňizi arzuw edýärin» diýlip gutlagda aýdylýar.
