Balkanly mekdep okuwçylary halkara bäsleşigiň ýeňijileri boldular
Balkanabat şäherindäki Magtymguly adyndaky daşary ýurt dillerini çuňlaşdyryp öwredýän umumybilim berýän ýöriteleşdirilen 2-nji orta mekdebiň okuwçylary Eziz Tatarow we Meýlis Gaýypgulyýew Amerikanyň Birleşen Ştatlarynyň Nýu-Ýork şäherinde onlaýn görnüşinde geçirilen «UNIPO — 2022» halkara taslama bäsleşiginde ýeňiji boldular.
Olaryň bäsleşikde IT programmalaşdyrmak ugry boýunça hödürlän «Sagdyn durmuş» atly programmasy altyn medala mynasyp görüldi.Bu halkara bäsleşige Indoneziýadan,Gazagystandan, Gyrgyzystandan, Laosdan, Makedoniýadan, Mozambikden, Mýanmadan, Türkiýeden, Wýetnamdan, Russiýadan, Özbegistandan alty ugur boýunça zehinli okuwçylaryň 100-e golaýy işlerini hödürlediler.
