Bahar gelende
Dünýä ýüzi gülden dolar
Sähralyklar mahmal bolar
Gyz-gelinler güller ýygar
Ülkäme bahar gelende
Guşlaram owazly saýrar
Mylaýym howasy ýaýrar
Şemal saçlaryňy sypar
Ülkäme bahar gelende
Ýaýlagynda owlak,guzy
Eşdiler dutar owazy
Batly çalarlar gopuzy
Ülkäme bahar gelende
Semenäni bişirerler
Goňşy-golama paýlarlar
Göwnündäkin arzuwlarlar
Ülkäme bahar gelende
Çagajyklar şadyýana
Ylgaşarlar iki ýana
Durmuşymyz şypa jana
Ülkäme bahar gelende
Älemgoşar peýda bolar
Asman göýä jadylanar
Akja kömelek ýygnalar
Ülkäme bahar gelende
Daýhanlar ekin ekerler
Her dürli tohum seperler
Biri müň bolup çykarlar
Ülkäme bahar gelende
Selbi IMAMOWA,
Lebap welaýat ýörite sungat mekdebiniň
“Aýdym aýtmaksungaty” bölüminiň III-nji ýyl talyby
“Türkmenistanyň Kärdeşler Arkalaşygynyň Ilkinji
Guramasynyň” talyp hakynyň eýesi
