SYÝASAT

Awazada ösüp barýan ýurtlaryň ulag ministrlikleriniň derejesindäki halkara maslahaty öz işine başlady

Şu gün irden «Awaza» milli syýahatçylyk zolagynyň Kongressler merkezinde deňze çykalgasy bolmadyk ösüp barýan ýurtlaryň ulag ministrleriniň derejesindäki halkara maslahaty öz işine başlady.

BMG-niň howandarlygynda guralan bu foruma 39 ýurduň we 34 halkara guramasynyň wekilleri gatnaşýarlar. Maslahatda pandemiýadan soňky döwürde durnukly ösüşi üpjün etmekde ulag ulgamynyň ornuny ara alyp maslahatlaşýarlar.

 Maslahatda deňze çykalgasy bolmadyk ösüp barýan ýurtlaryň söwda mümkinçiliklerini ösdürmek üçin ulag baglanyşygyny gowulandyrmaga we ösdürmäge gönükdirilen syýasy teklipleriň we ilkinji nobatdaky wezipeleriň işlenip düzülmegine garaşylýar.

Maslahata gatnaşyjylara Türkmenistanyň Prezidenti Serdar Berdimuhamedow wideo ýüzlenme ugratdy. Şonuň ýaly-da, olara BMG-niň Baş sekretary Antoniu Guterreş wideo aragatnaşyk arkaly ýüzlendi.

Понравилась статья? Поделиться с друзьями: