«Awaza» milli syýahatçylyk zolagynda okuw-maslahaty geçirilýär
«Awaza» milli syýahatçylyk zolagyndaky »Daýanç» sagaldyş merkezinde okuw-maslahaty öz işine başlady.«Hormatly Prezidentimiziň döwletlilik ýörelgesi ösüşiň milli tejribesiniň esasydyr» atly bu okuw-maslahaty Türkmenistanyň Kärdeşler arkalaşyklarynyň Ahal welaýat birleşmesi tarapyndan guralýar.
Oňa Türkmenistanyň Kärdeşler arkalaşyklarynyň Ahal welaýat, etrap, şäher birleşmeleriniň, ilkinji guramalarynyň işgärleri, işjeň agzalary, köpçülikleýin habar beriş serişdeleriniň wekilleri we beýleki degişli hünärmenler gatnaşýarlar. Bäş günlük bu okuw-maslahatyň barşynda Türkmenistanyň Kärdeşler arkalaşyklarynyň öňünde durýan wezipeler barada gürrüň ediler, işleri döwrüň ruhuna laýyklykda alyp barmak boýunça pikir we tejribe alşylar. Okuw-maslahatyň çäginde oňa gatnaşyjylaryň arasynda sport, medeni-dynç alyş çäreleri geçiriler, deňiz kenarynyň gözel ýerleri boýunça gezelenç guralar.