Atlantika gyzylbalygy gorag astynda
Soňky ýyllarda howanyň üýtgemegi janly tebigata güýçli täsirini ýetirýär. Alymlar häzirki wagtda janly-jandarlaryň 6700-den gowrak görnüşine ýitip gitmek howpunyň abanýandygyny belleýärler. Bu görnüşleriň arasynda sany ep-esli azalýanlaryň ilkinjileriniň biri-de atlantika gyzylbalygydyr. Alymlar 2006 – 2020-nji ýyllarda bu balyklaryň sanynyň 4 essä golaý azalandygyny belleýärler. Olar bu ýagdaýy ummanlaryň suwunyň gyzgynlyk derejesiniň ýokarlanmagy bilen düşündirýärler. Häzirki wagtda alymlar uzynlygy 1,5 metre, agramy
43 kilograma çenli ýetýän bu seýrek duşýan balyklaryň sanyny köpeltmek ugrunda degişli işleri alyp barýarlar. Şeýle işler ýitip gitmek howpy abanýan beýleki haýwanlar babatynda hem ýaýbaňlandyrylýar.
