Aşgabat — Abu-Dabi ugry boýunça uçuşlar artdyrylýar

Türkmenistan awiakompaniýasy 2026-njy ýylyň başyndan başlap, Aşgabat — Abu-Dabi — Aşgabat ugry boýunça howa gatnawlarynyň sanyny artdyrýar. Täze tertip boýunça uçuşlar 4-nji ýanwardan ýola goýlup, her hepdäniň ýekşenbe güni amala aşyrylar. Uçar 04:25-de türkmen paýtagtyndan ugraýar we 05:55-de Abu-Dabi şäherinde gonýar.
Abu-Dabi şäherinden 07:25-de ýola düşýän howa gämisi bolsa 09:55-de Aşgabada gelip ýeter. Birleşen Arap Emirlikleri bilen howa aragatnaşygynyň kämilleşdirilmegi Watanymyzda halkara gatnawlary ösdürmek, ýolagçylar üçin amatly we ygtybarly şertleri döretmek ugrunda alnyp barylýan netijeli işleriň aýdyň beýany bolup durýar.