ARKADAGLY SERDARYM

Türkmenistan, ajap mekan, sen ýaşlaryň mekany

Aýdym aýdyp hem tans edip, çekýäris biz sapany

Kändir bizde aýdymçylar, şa serpaýyn ýapany

Aladaňa köp sagbolsun, Arkadagly Serdarym!

 

Okaýarys döredip biz, beýik- beýik işleri

Watan üçin aýamalyň janymyzy, güýçleri

Ýaşlarymyz, çetde durmaň, baryň süýşüň ileri

Aladaňa köp sagbolsun, Arkadagly Serdarym!

 

Ýurdumyzda dürli- dürli bäsleşikler gurulýar

Kimler goşgusyny düzüp, hekaýasyny ýazýar

Kimler mylaýym ses bilen owadan aýdym aýdýar

Aladaňa köp sagbolsun, Arkadagly Serdarym!

 

Serdarymyz tama edýär biz ýaşlarda kän zady

Aýdym aýtmak, okamakdyr meniň göwnümiň şady

Gowulykda tutulsyn mydam her kimiň ady

Aladaňa köp sagbolsun, Arkadagly Serdarym!

 Selbi Imamowa

 Lebap welaýat ýörite sungat     mekdebiniň “Aýdym aýtmak sungaty” bölüminiň I-ýyl talyby

Понравилась статья? Поделиться с друзьями: