Geçip barýar ýyllar kerwenin gurap,
Bagtdan püre-pür günlerini sarap,
Gülleýär ajaýyp watan Bitarap,
Arkadagly Gahryman Serdar bilen!
Maksadymyz dostluk-doganlyk ýoly,
Türkmenistan-Bitaraplyk mekany,
Agzybir halkymyň eziz watany,
Arkadagly Gahryman Serdar bilen!
Bitaraplyk şuglasyndan güýç alan,
Parasatly ýollary saýlap alan,
Dünýä derejede asmana galan,
Arkadagly Gahryman Serdar bilen!
Pederleriň arzuwy hasyl bolýar,
Mizemez doganlyk mährini çoýýar,
Watanymyň waspy äleme dolýar,
Arkadagly Gahryman Serdar bilen!
Selbi IMAMOWA,
Lebap welaýat ýörite sungat mekdebiniň talyby.
