Arkadag şäheriniň edaralaryna türkmen halkynyň görnükli şahsyýetleriniň atlary dakyldy
Türkmenistanyň Mejlisiniň Karary bilen Arkadag şäherinde gurlan bilim, saglygy goraýyş, medeniýet edaralaryna we sungat binasyna türkmen halkynyň görnükli şahsyýetleriniň atlary dakyldy.
1. Çagalar sagaldyş-dikeldiş merkezine türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň ady dakyldy we ol mundan beýläk «Gurbanguly Berdimuhamedow adyndaky çagalar sagaldyş-dikeldiş merkezi» diýilip atlandyrylýar.
2. Merkezi seýilgähdäki belent sungat binasyna döwrümiziň görnükli syýasatçysy, türkmen halkynyň beýik ogly, türkmen halkynyň Milli Lideri Gurbanguly Berdimuhamedowyň — Gahryman Arkadagymyzyň ady dakyldy we ol mundan beýläk «Arkadag Binasy» diýilip atlandyrylýar.
3. Halkara atçylyk ýokary okuw mekdebine meşhur seýis, ussat atşynas, şan-şöhraty dünýä dolan ajaýyp ahalteke bedewleriniň ugurbaşy nesillerini döreden halypa seýis Aba Annaýewiň ady dakyldy we ol mundan beýläk «Aba Annaýew adyndaky Halkara atçylyk akademiýasy» diýilip atlandyrylýar.
4. Mugallymçylyk orta hünär okuw mekdebine zähmetsöýer we zehinli mugallym, ýalkymly watançy, edermen esger, ilhalar ynsan, ynsanperwerlik we adalatlylyk ugrunda gaýduwsyz göreşiji Berdimuhamet Annaýewiň ady dakyldy we ol mundan beýläk «Berdimuhamet Annaýew adyndaky Arkadag şäher mugallymçylyk orta hünär okuw mekdebi» diýilip atlandyrylýar.
5. Lukmançylyk orta hünär okuw mekdebine tanymal şahsyýet, birnäçe döwlet sylaglarynyň eýesi, lukmançylyk ylymlarynyň doktory Saçly Dursunowanyň ady dakyldy we ol mundan beýläk «Saçly Dursunowa adyndaky Arkadag şäher lukmançylyk orta hünär okuw mekdebi» diýilip atlandyrylýar.
6. Atçylyk sirkine batyrlygyň, mertligiň nusgasy hökmünde taryha giren, türkmen halkynyň milli gahrymany Göroglynyň ady dakyldy we ol mundan beýläk «Arkadag şäheriniň Görogly adyndaky döwlet atçylyk sirki» diýilip atlandyrylýar.
7. Arkadag şäher kitaphanasyna türkmen halkynyň nusgawy akyldar şahyry, ynsanperwerlik, agzybirlik, adalatlylyk, parahatçylyk ýörelgelerini dabaralandyran, nesillere ahlak gözelliginiň kämil nusgasyny miras galdyran, meşhur «Wagzy-azat» eserini döreden Döwletmämmet Azadynyň ady dakyldy we ol mundan beýläk «Döwletmämmet Azady adyndaky Arkadag şäher kitaphanasy» diýilip atlandyrylýar.
8. Drama teatryna türkmen teatr sungatynyň düýbüni tutujylaryň biri, meşhur artist, režissýor hem dramaturg, Türkmenistanyň Magtymguly adyndaky halkara baýragynyň eýesi Aman Gulmämmedowyň ady dakyldy we ol mundan beýläk «Arkadag şäheriniň Aman Gulmämmedow adyndaky döwlet drama teatry» diýilip atlandyrylýar.
9. Ýörite sungat mekdebine beýik sungat ussady, halypa bagşy, mukamçy-kompozitor, Ahal bagşyçylyk ýoluny esaslandyryjylaryň biri, Türkmenistanyň halk bagşysy, Türkmenistanyň Magtymguly adyndaky halkara baýragynyň eýesi Sahy Jepbarowyň ady dakyldy we ol mundan beýläk «Sahy Jepbarow adyndaky Arkadag şäher ýörite sungat mekdebi» diýilip atlandyrylýar.
10. Çagalar sungat mekdebine türkmen halkynyň ussat sazandasy, milli aýdym-saz sungatynyň taryhynda öçmejek yz galdyran Şükür bagşynyň ady dakyldy we ol mundan beýläk «Şükür bagşy adyndaky Arkadag şäher çagalar sungat mekdebi» diýilip atlandyrylýar.
