Arkadag şäherinde Halk Maslahatynyň mejlisiniň jemlerine we ähmiýetine bagyşlanan maslahat geçirildi

1-nji oktýabrda Arkadag şäheriniň häkimliginde «Halk Maslahatynyň taryhy mejlisi we milli Liderimiziň ylhamy – döwletliligiň dabaralanmasy» atly maslahat geçirildi.
Maslahat ata Watanymyzyň beýik Garaşsyzlygynyň 33 ýyllygynyň öňýanynda paýtagtymyzda geçen Halk Maslahatynyň nobatdaky mejlisiniň jemlerine hem-de olaryň ähmiýetini wagyz etmäge bagyşlandy.
Maslahatyň öňüsyrasynda Gahryman Arkadagymyz Gurbanguly Berdimuhamedowyň kitaplary hem-de akyldar şahyr we filosof Magtymguly Pyragynyň çapdan çykan goşgular ýygyndylary görkezilen sergi geçirildi. Sergide Arkadag şäheriniň belent üstünliklerini we mynasyp bolan halkara güwänamalaryny görkezýän gymmatlyklar görkezildi.