Araş Aşgabatda konsert berdi

Aşgabatdaky Gyşky oýunlar sport toplumynda eýranly dünýä meşhur aýdymçy Araş Labafyň konserti guraldy. Bu barada «Watan» habarlar gepleşiginde habar berildi. Konserte tomaşa etmäge köpsanly aýdym-saz muşdaklary ýygnanyp, sungat ussadyny şatlyk-şowhun bilen garşyladylar. Şeýle konsertleri guramak Türkmenistandaky möhüm jemgyýetçilik wakalarynyň öňüsyrasynda kemala gelen we häzirki wagtda üstünlikli dowam etdirilýän medeni däpleriň birine öwrüldi.
Şeýle çäreleriň yzygiderli geçirilmegi halklaryň arasynda dost-doganlyk gatnaşyklaryny berkitmäge, medeni hyzmatdaşlygyň işjeňleşmegine ýardam berýär. Täze ýyl baýramçylygy mynasybetli geçirilen bu konsert hem tomaşaçylarda uly täsir galdyrdy. Ýeri gelende bellesek, Araş Labaf 1977-nji ýylda Tähranda doguldy, häzirki wagtda maşgalasy bilen Şwesiýada ýaşaýar. Ol «Broken Angel», «Donya», «Yalla», «One Night in Dubai» ýaly aýdymlary bilen dünýä derejesinde giň meşhurlyga eýedir.