APL-niň duşuşyklarynda Oraza arakesmesi berler
Angliýanyň Premýer ligasy Oraza aýynyň dowamyndaky duşuşyklara käbir üýtgetmeleri girizmegi meýilleşdirýär. Oňa laýyklykda, oraza tutýan oýunçylaryň duşuşyklary agyz açylýan wagta gabat gelse, eminler oýna gysga wagtlyk arakesme berip, oýunçylaryň agzyny açmagyna rugsat berler.
«Sky Sports» neşiri agyz açmak üçin arakesmeler barada duşuşykdan öň maslahatlaşyljakdygyny habar berdi. Agyz açylýan wagty duşuşygyň haýsy minudyna gabat gelse, şol minut APL tarapyndan öňünden tassyklanylar we emine bu barada habar berler.
Ýeri gelende aýtsak, APL-de häzir Londonyň «Arsenal» kluby birinji orunda barýar.
