«Al-Hilal» Messä Ronaldunyňkydan iki esse kän hak teklip edýär
«Mundo Deportiwo» neşiri Saud Arabystanynyň «Al-Hilal» klubynyň PSŽ-niň argentinaly ýyldyzy Lionel Messini düzüme goşmak baradaky arzuwyndan ýüz öwürmeýändigini ýazdy.
Çeşmäniň ýazmagyna görä, klub ýyldyz oýunçynyň ýyllyk zähmet hakyny 500 million ýewro çenli çykardy.
Bu habar biraz öňräk dilden-dile geçen hem bolsa, heniz hiç bir neşir tarapyndan tassyklanmandy. «Mundo Deportiwo» ynamdar çeşmelere salgylanyp, habaryň hakykata esaslanýandygyny ýazdy.
2021-nji ýyldan bäri PSŽ-de futbol oýnap gelýän Messiniň şertnamasy şu tomusda tamamlanar. Ol şu möwsümde 38 duşuşykda 20 gezek tapawutlandy we 19 goluň assistini berdi.