Lebap welaýat kitaphanasynda bu medeni ojagyň we welaýatyň Baş bilim müdirliginiň gurnamagynda Türkmenabat şäheriniň uçurumlary 25-nji maý soňky jaň dabarasy mynasybetli gezelençde bolup, kitaphanada gurnalan “Ak mekdepden uly durmuşa” şeýle-de Aşgabat şäheriniň güni mynasybetli “Aşgabat-watanymyzyň tylla jygasy” ady bilen guralan giňişleýin kitap sergilerine, döwrebap tekjelerinde ýerleşdirilen kitaplara syn etdiler. Gezelenjiň dowamynda ajaýyp döwrümizde ýurdumyzyň geljegi bolan ýaşlarymyzyň ýokary ahlak terbiýeli, döwrebap aň-düşünjeli, ylymly-bilimli, sagdyn bedenli, innowasion tehnologiýalardan baş çykarmaga ukyply adamlar bolup ýetişmekleri üçin giň mümkinçilikleri döredip berýän türkmen halkynyň Milli Lideri Gahryman Arkadagymyza, Hormatly Prezidentimiz Arkadagly Gahryman Serdarymyza alkyş sözleri aýdyldy.
