Welaýat kitaphanasynda geçirilen «Şygyrlaryň köňülleriň çyragy, döwrümize gel seýrana, Pyragy!» atly dabara Magtymguly Pyragynyň doglan gününiň 300 ýyllygyna bagyşlandy.
Çäräni Türkmenistanyň Agrar partiýasynyň welaýat komiteti hem-de welaýat kitaphanasy bilelikde guradylar. Oňa partiýanyň işjeň agzalary, döredijilik işgärleri, kitaphanaçylar, Türkmenabatdaky orta hünär okuw mekdepleriniň mugallymlary we talyplary gatnaşdylar.
Şol gün bu ýerde Magtymguly Pyragynyň dürli ýyllarda çap edilen kitaplarynyň sergisi hem guraldy. Kitaphanaçylar şol neşirlere syn berdiler.
